用廣東話開會，Lugji 喺你部 iPhone 記低同轉錄；要交文件，Lugoffice 將口語變成正式書面語；成間公司嘅會議記憶，放入你自己嘅 Lugbox（企業試點）。三個產品，一條路，每一步邊啲喺你部機、邊啲出門，講到清清楚楚。
App Store 已上架 Lugji · Lugoffice · iPhone 同 iPad · Lugbox 企業試點
飲茶咁講，公文咁出。
先用 Lugji 記低，需要交文件先開 Lugoffice，團隊要一齊搵返以前講過咩，就上 Lugbox（企業試點）。每一層都可以獨立用。
Lugji 廣東話會議、訪談、靈感，一撳即錄，喺 iPhone 本機轉成逐字稿，存去你揀嘅地方：iPhone 本機、iCloud 或者 Obsidian。
Lugoffice 將廣東話逐字稿變成交得出手嘅正式書面語：會議紀要、通告、正式 email、報告、週報。
Lugbox 一部放喺你公司嘅 AI 盒。你揀好嘅會議紀錄同文件放入去之後，同事用廣東話打字問，搵返以前講過、決過嘅嘢，並列出來源。
錄音 → 逐字稿逐字稿 → 正式文件文件 → 公司知識庫
Lugji · 語音轉錄 & AI 筆記專為廣東話會議而設。錄音同轉錄全部喺你部 iPhone 做，冇 Lugji 伺服器；AI 摘要（Beta）都係本機處理，需要 Apple Intelligence 機型（iPhone 15 Pro 或以上）。每則筆記係標準 Markdown，存喺你揀嘅地方：iPhone 本機、你自己嘅 iCloud，或者直接寫入你嘅 Obsidian vault。連埋 Obsidian，三個月後都搵得返當日開過咩會。
Lugoffice · 會議 → 文件你諗嘢用廣東話，交出去就要正式書面語。Lugoffice 由同一段對話，出齊你要交嘅文件。
「咁呢個 project 我哋下個禮拜三之前要 confirm 咗個 budget 先。Amy 你跟一跟供應商嗰邊，報價要齊三間㗎。場地我哋暫時揀返禮堂，家長嗰封信我聽日出。」
示範內容，並非真實客戶資料。實際輸出以 app 為準。
撳上面嘅文書類型，睇同一段說話變成唔同文件。
一張表講晒。三個產品嘅私隱設計唔一樣，我哋唔會用一句「全部本機」包晒佢哋，每一格都寫清楚。
| Lugji | Lugoffice | Lugbox | |
|---|---|---|---|
| 錄音 | Lugji 你嘅你部機 + 你自己嘅 iCloud，或者揀只存 iPhone 本機；冇 Lugji 伺服器 | Lugoffice 唔會送Lugoffice 只處理文字，唔會傳送錄音 | Lugbox 不適用放入去嘅係文字同文件 |
| 轉錄 / 生成 | Lugji 你部機Apple 原生引擎本機轉錄；AI 摘要（Beta）都喺本機做 | Lugoffice 雲端你逐份揀嘅文字送去雲端 AI，生成書面語文件 | Lugbox 公司內部本地 AI 喺你公司部盒度運行 |
| AI 訓練 | Lugji 唔會冇 Lugji 伺服器，我哋手上冇你嘅內容 | Lugoffice 唔會按 Google Cloud 企業條款，內容唔會用嚟訓練模型 | Lugbox 唔會用搜尋搵返資料，唔攞你嘅資料去訓練模型；唔經 LUGJI 伺服器 |
| 儲存 | Lugji 你嘅你部機同你自己嘅 iCloud，或者揀「只存 iPhone 本機」 | Lugoffice 你嘅你自己 iCloud 嘅文件庫；中轉站唔儲存內容，只記運作數據（時間、token 數、狀態） | Lugbox 公司內部你公司自己部盒 |
| 帳戶 | Lugji 唔使冇帳戶、冇登入 | Lugoffice 唔使唔使開帳戶 | Lugbox 公司管理每位同事一個帳戶，由你公司管理員開同分配範圍 |
Lugji 連接 Obsidian 時，如果你個 vault 放喺 iCloud，筆記會同步去你自己嘅 iCloud Drive。Lugbox 入面嘅文件如果經 Lugoffice 整理，會議整理用雲端 AI：文字經我哋香港中轉站（中轉站唔儲存內容）交 Google Vertex AI 處理；按 Google 企業條款，唔會用你嘅資料訓練 AI 模型。詳細條款：Lugji 見私隱政策；Lugoffice 同 Lugbox 見Lugoffice 私隱政策。
我哋喺香港起、為香港人講嘢嘅方式而做。唔賣弄科技，只解決開完會之後嗰堆嘢。
會議入面中英夾雜、口語、行內術語，係香港人每日開會嘅真實樣。Lugji 同 Lugoffice 由第一日就以廣東話做主角，唔係英文 app 加個翻譯。
冇 Lugji 伺服器，我哋手上冇你嘅內容。Lugoffice 只送你揀嘅文字。Lugbox 放喺你公司。每個產品嘅資料去向都寫喺上面嗰張表。
筆記同文件係開放 Markdown，存喺你部機、你自己嘅 iCloud、Obsidian 或者公司部盒。有一日你唔用我哋，資料都照樣喺度，開得返。
今日一個人用 Lugji 記會議，聽日用 Lugoffice 出正式文件，將來成間公司用 Lugbox 搵返以前講過嘅嘢。同一套格式，唔使搬家。
先由一個人、一部電話開始。見到效果，再用 Lugoffice 出正式文書，最後先決定使唔使一部公司知識庫。每一步都可以停。
試點查詢Lugbox 係一部放喺你公司嘅 AI 盒，有人幫你裝、幫你教、幫你睇住。而家招募第一批香港試點機構。
一部小型主機，本地 AI 喺入面運行。知識庫同搜尋都留喺你公司部機，唔出門口。
上門安裝、放入資料、教同事點問。有問題搵得到人，唔係一個 support ticket。
定期檢查同更新。試點滿意先傾長期合約，唔啱用可以停。
Lugbox 嘅知識庫同查詢 AI 喺你公司部機運行，儲存同搜尋都唔經 LUGJI 伺服器。會議整理用雲端 AI：文字經我哋香港中轉站（中轉站唔儲存內容）交 Google Vertex AI 處理；按 Google 企業條款，唔會用你嘅資料訓練 AI 模型。
Lugji、Lugoffice 同 Lugbox 嘅常見問題，每條標明講緊邊個產品。
支援。用 Apple 內置嘅裝置端語音辨識，全程喺你部機運行。而家以廣東話為主。
唔會上傳去 Lugji 伺服器，亦唔會交雲端 AI 處理。預設存喺你部機同你自己嘅 iCloud，可以揀只存 iPhone 本機。轉錄喺你部機做，唔使開帳戶。
唔使。筆記可以只存 iPhone 本機，或者你自己嘅 iCloud。想起第二大腦就連 Obsidian，筆記自動入你嘅 vault，唔使裝 plugin。
要 iOS 26 或以上。裝置端轉錄需要 iPhone 12 / SE（第 3 代）或更新機型，iPad 需要 iPad（第 10 代）/ Air（第 4 代）/ mini（第 6 代）或更新。AI 摘要係 Beta 功能，需要支援 Apple Intelligence 嘅機型（iPhone 15 Pro 或以上）。
Lugji 而家免費下載、免費使用，app 入面冇內購，唔使開帳戶。
Lugji 記低原話，Lugoffice 出文件，兩個係獨立 app。喺 Lugji 撳「送去 Lugoffice」標記一個會議，然後喺 Lugoffice 揀一次 Lugji 資料夾；之後你喺 Lugoffice 揀返有標記嘅會議，先會生成文件。送去嘅只係文字，錄音檔唔會送。
Lugoffice 唔會傳送錄音。只有你揀咗嘅文字會送去雲端 AI 生成文件，按 Google Cloud 企業條款唔會用嚟訓練模型。我哋唔會儲存你嘅內容。
用得。直接貼上你嘅會議筆記、口述或者草稿，一樣出文書。貼上嘅內容，每次生成前都會問你同意。
Lugoffice 而家免費下載、免費使用，冇內購、冇訂閱。iPhone 同 iPad 都用得，要 iOS 18 或以上。
Lugbox 仲喺試點階段，未有公開價錢。想了解試點，請填查詢表格，或者電郵 sales@lugji.app。