Lugbox學校
- 校務會議、科組會議、法團校董會，紀錄散晒喺唔同同事部電腦
- 新同事接手，唔知以前點決定、點解咁決定
- 學生同家長資料敏感，唔想交俾海外雲端服務處理
試點之後，同事可以咁問「上年陸運會嘅場地同保險，最後點決定？」
公司講過嘅嘢，
公司自己記得。
Lugbox 係一部放喺你公司嘅 AI 盒。你揀好嘅會議紀錄同內部文件放入去之後，同事用廣東話打字問，搵返相關嘅會議紀錄同文件，並列出來源；搵唔到會直講。Lugbox 嘅知識庫同查詢 AI 喺你公司部機運行，儲存同搜尋都唔經 LUGJI 伺服器。
你間機構係咪都係咁？
我哋試點先揀呢類機構：會議多、文件多、對私隱要求高，資料唔可以隨便放上雲。
律師行
- 案件會議、客戶會面紀錄，要搵嘅時候要逐個 folder 翻
- 唔同同事負責唔同客戶，資料唔可以溝亂睇
- 保密責任大，客戶資料離開公司係風險
試點之後，同事可以咁問「呢個客上次會面講過邊啲跟進事項？」
中小企
- 老闆同同事日日開會，決定散晒喺各人電腦同筆記簿
- 同事離職或者請假，交接靠記憶，好多嘢冇人記得
- 冇 IT 部，想要一套有人幫手裝、幫手睇住嘅方案
試點之後，同事可以咁問「上次同呢個供應商傾嘅價錢同交貨期係點？」
知識庫同查詢留喺你公司；會議整理用雲端 AI：文字經我哋香港中轉站（中轉站唔儲存內容）交 Google Vertex AI 處理；按 Google 企業條款，唔會用你嘅資料訓練 AI 模型。
一部機，一個人，
一份保養。
試點期內，以下全部由我哋提供。
一部盒
- 試點機係 Mac mini 級數主機，已裝好本地 AI
- 放喺你公司
- 試點期間由 LUGJI 提供部機
一個人
- 上門安裝同設定
- 同你一齊揀邊啲資料入庫
- 教同事點樣問、點樣用
- 上門期間，資料只喺你公司部機度處理，我哋唔會攞任何文件離場
一份保養
- 有問題直接搵負責人
- 試點完一齊檢討，再決定下一步
試點點樣行
每一步都有具體要完成嘅事，同埋需要你間機構幫手嘅地方。試點期內任何一方都可以停。試點暫時只限香港機構。
- 第 1 步
安裝同揀資料
上門裝好部盒，同你揀一批會議紀錄同文件做試點資料。
你要準備一個聯絡人、一個放機位置、第一批文件 - 第 2 步
放入資料同設定範圍
資料入庫，設定每個同事睇得到邊個範圍。
你要準備建議 3–5 位試用同事名單 - 第 3 步
同事真係用
試點期間，我哋會喺你公司部機度同你一齊睇查詢紀錄，記低邊啲答得好、邊啲唔得。紀錄只留喺部機，唔會傳出。管理員帳戶睇得到所有同事嘅查詢。
你要準備試用同事每日問幾條真問題 - 第 4 步
檢討
一齊睇結果、邊度要改。你決定繼續定停。
你要準備一次檢討會
資料點樣受保護
以下係 Lugbox 現時嘅設計。
留喺你公司
Lugbox 嘅知識庫同查詢 AI 喺你公司部機運行，儲存同搜尋都唔經 LUGJI 伺服器。
只入你揀嘅文件
兩條路入庫：同事喺 Lugoffice 開咗「入本地 AI 檢索」嘅文件（需 Lugbox 授權），撤回標記就會由知識庫移除；公司現有文件由管理員上載入指定嘅知識庫，要由管理員刪除。一般同事唔可以自己上載。
各自睇自己範圍
每位同事一個帳戶，由你公司管理員開同分配範圍。冇標明範圍嘅文件唔會入庫，寧願唔入都唔會放錯位。
用廣東話問
粵語同事用平時嘅講法打字問就得。答案會列出來源文件，方便核對。
試點之後，你揀
試點唔會自動轉做收費合約。檢討完你話事。
選擇一
買機，加年度保養
部機歸你機構，每年一份保養同支援合約。適合有固定資產預算嘅機構。
選擇二
唔繼續
我哋收返部機，清除入面所有資料，並提供清除證明。
試點需要你準備嘅嘢
一個聯絡人負責同我哋溝通
一個位置放部盒，有電源
一批文件會議紀錄或內部文件，由你揀
建議 3–5 位同事願意每日問幾條真問題
IT 部門想知嘅嘢
幾多人用
試點機適合大約 1–5 人嘅細團隊。幾個人同時問會排隊，一條答案通常要半分鐘左右。
網絡同電源
一個電源插位（建議接 UPS）、網線接公司內網、固定內網 IP。同事部機要喺同一個內網，Wi-Fi 唔可以開「用戶隔離」。唔使由互聯網開任何 port；所需內網 port 會喺安裝前交你 IT 部門。
擺位
建議放喺上鎖或者受控嘅位置。
點樣先算成功
開始前一齊定好，例如：一批你哋文件有答案嘅問題答得準、出處正確；冇答案嘅會直講搵唔到；權限測試通過。
試點完結
Lugoffice 嘅文件本身留喺同事部機同 iCloud。管理員上載嘅原檔，Lugbox 唔會保留，請你自己留底。